एसेम क्राना लासाइनोन
गुनासो आरे चु सेमरी ।
गोङ्मा ङाइ छार पोबारी
छ्यम्नोन एदाइ बोर्बारी
आब्रामा ह्यान्दे ङादेम छ्याम
छार ग्याम एसे श्होसीमाम ।
मायाला छो ङाइ रिम्जी
रिम्बाला सट्टारी
ब्राजिम ए टाङ्बारी
टाङ्नोन टाङ्जी आखिररी ।
ब्रान्बा म्हिदा गादे गाह्रो
दुङाल गो आखाम्जी
ङाइमी एदाम सेम पिन्बाम
दुङाल्ला ग्योइरी हुर पिन्जी ।
पुजुसे एदा ब्लोसामी
चु तिङरी श्हु श्हेर खाबा मुला
मिख्लीला ग्योइरी ङा ब्योङमा
नेसी स्यासी टिजिम ए ।
डेनमुला तिङरी ब्लोसाइनोन
आज्याबा दुङाल पिन्साइ नोन
ल्हानान एला छे रेङगाइ
लाबा लुङ्सुरसे आबोर्गाइ ।
आब्रान्बा आहिन ङाइ एदा
एनोन गाइजिम खाबारी
या चुङ्बारी आपिन्बा
आहिन ङाइ एदा एनोन
फ्याङजिम ब्याब फुइदासी ।
भिम दोङ तामाङ
(पिन्थिल)
